اسلام آباد:پاکستانی شوبز انڈسٹری کی معروف اور چنچل اداکارہ بشریٰ انصاری نے حال ہی میں ایک ریڑھی پر چلنے والے گانے کو سن کر اپنے بچپن کی یادوں میں کھو جانے کا اظہار کیا۔
انہوں نے فوٹو اینڈ ویڈیو شیئرنگ پلیٹ فارم انسٹاگرام پر ایک ویڈیو شیئر کی جس میں بچپن کی یادیں تازہ کرتی ہوئی دکھائی دیتی ہیں۔
ویڈیو میں دیکھا جا سکتا ہے کہ بشریٰ انصاری کسی رہائشی علاقے کی سڑک پر موجود ہیں جہاں ایک گول گپے والا ریڑھی پر گول گپے فروخت کر رہا ہے۔
اس ریڑھی پر احمد رشدی کی آواز میں فلم ’مہتاب‘ کا مشہور گانا ’گول گپے والا آیا، گول گپے لایا‘ بج رہا ہے، جس میں اداکار علاؤالدین نے اپنے فن کا جادو جگایا تھا۔
یہ گانا سن کر بشریٰ انصاری نے اپنے بچپن کے خوبصورت لمحے یاد کیے اور ویڈیو میں مسکراتے ہوئے کہا کہ یہ گانا کافی عرصے بعد سنا ہے، واہ۔ انہوں نے سوشل میڈیا پر اس ویڈیو کے ساتھ کیپشن میں لکھا، بچپن کی یادیں، گول گپے والا۔
