لاہور:چیمپئنز ٹرافی 2025 کی تیاریوں کا جائزہ لینے آئی سی سی کی ٹیم لاہور پہنچ گئی۔
انٹرنیشنل کرکٹ کونسل (آئی سی سی) کی انسپکشن ٹیم چیمپئنز ٹرافی 2025 کے انتظامات کی جانچ کے لیے لاہور کے قذافی اسٹیڈیم میں موجود ہے۔
یہ ٹیم پاکستان کے دورے پر ہے تاکہ چیمپئنز ٹرافی کے حوالے سے کیے گئے انتظامات کا تفصیلی معائنہ کیا جا سکے۔
انسپکشن ٹیم پہلے ہی کراچی، راولپنڈی اور اسلام آباد میں انتظامات کا جائزہ لے چکی ہے۔
انسپکشن ٹیم نے سیکیورٹی اور دیگر انتظامات پر اطمینان کا اظہار کیا ہے۔
پی سی بی نے آئی سی سی کی انسپکشن ٹیم کو تعمیراتی کام کی تفصیلات کے بارے میں مکمل بریفنگ فراہم کی۔
اس کے علاوہ، ٹیم نے نیشنل کرکٹ اکیڈمی اور ایل سی سی گراؤنڈ میں پریکٹس کی سہولیات کا بھی جائزہ لیا۔
