اسلام آباد:سعودی عرب میں حالیہ کارروائی کے دوران 22 ہزار غیر قانونی تارکین وطن کو گرفتار کیا گیا ہے۔
یہ اقدام ملک میں قانونی حیثیت کے بغیر رہائش پذیر افراد کے خلاف جاری کوششوں کا حصہ ہے۔
سعودی وزارتِ داخلہ کے مطابق، 13,186 افراد اقامہ قوانین کی خلاف ورزی پر پکڑے گئے۔
وزارتِ داخلہ نے بتایا کہ 5,427 افراد سرحدی قوانین کی خلاف ورزی میں اور 3,358 تارکین لیبر قوانین کی خلاف ورزی میں ملوث تھے۔
غیر قانونی طور پر ملک میں داخل ہونے کی کوشش کرنے پر 1,421 افراد کو گرفتار کیا گیا۔
اسی طرح، غیر قانونی طور پر ملک سے باہر جانے کی کوشش کرنے پر 53 افراد کو بھی پکڑا گیا۔
اس کے علاوہ، غیر قانونی تارکین کو سہولت فراہم کرنے پر 18 افراد کو گرفتار کیا گیا۔
وزارتِ داخلہ نے مزید واضح کیا کہ غیر قانونی تارکین کو کسی بھی قسم کی سہولت دینا ایک سنگین جرم ہے۔
