اسلام آباد:چیمپئنز ٹرافی کا معاملہ ووٹنگ کے مرحلے میں پہنچنے سے پہلے ہی حل ہونے کی توقع ہے۔
ذرائع کے مطابق، انٹرنیشنل کرکٹ کونسل (آئی سی سی) اور بھارتی کرکٹ بورڈ نے پاکستان کے نئے فارمولے پر اتفاق کیا تو معاملہ ووٹنگ تک نہیں پہنچے گا۔
نئے فارمولے کے تحت بھارتی بورڈ کو آگاہ کرنے کا عمل جاری ہے، اور اگر تینوں فریق اس فارمولے پر متفق ہو گئے تو ممکنہ طور پر بورڈ میٹنگ کی ضرورت پیش نہیں آئے گی۔
ذرائع کے مطابق، اس فارمولے کا نام “ہائبرڈ” نہیں رکھا جائے گا بلکہ اسے کچھ اور نام دیا جائے گا۔ یہ فارمولہ چیمپئنز ٹرافی کے لیے نافذ ہوگا اور 3 برس تک برقرار رہے گا۔
اس فارمولے کے تحت بھارت دبئی میں میچز کھیلے گا اور پاکستان بھی آئندہ 3 سال تک اپنے تمام میچز دبئی میں کھیلے گا۔ بھارت کی طرح پاکستان بھی بھارت میں کوئی ٹورنامنٹ نہیں کھیلے گا۔
آئی سی سی نے اس ڈیڈلاک کو ختم کرنے کے لیے پارٹنرشپ فارمولے پر غور شروع کر دیا ہے اور بھارتی کرکٹ بورڈ کو اسے ماننے کی تجویز دی ہے۔
اس فارمولے کا مقصد پاکستان کی جانب سے قانونی کارروائی سے بچنا ہے۔
ذرائع کے مطابق، کہ چیمپئنز ٹرافی کے شیڈول اور وینیوز کا معاملہ آج یا کل میں حل ہونے کی توقع ہے۔
مزید پرئیے:https://urdu.thepenpk.com/?p=5419
