اسلام آباد:پاکستان شوبز انڈسٹری کے معروف اداکار خالد انعم نے ملک کی خراب معاشی صورتِ حال کے اور عوام کی طرززندگی پر طنزیہ تبصرہ کیا ہے۔
انہوں نے فوٹو اینڈ ویڈیو شیئرنگ انسٹاگرام ایپ پر لکھا ہے کہ پاکستان کی شادیاں، شاپنگ مال اور ریسٹورینٹ دیکھ کر ایسا لگتا ہے جیسے یہ ملک امریکا، جرمنی اور جاپان کو قرضہ دیتا ہو۔
اداکار کا کہنا ہے کہ پاکستان میں ہر شخص اپنی چادر سے دو سو فٹ باہر زندگی گزار رہا ہے۔
اُنہوں نے اپنی ایک اور انسٹا پوسٹ میں زندگی کو سادہ اور آسان بنانے کے لیے مشورہ دیتے ہوئے کہا کہ پیسے اتنے کمائیں کہ جب آپ بیمار ہوں تو بچے ڈاکٹر بلائیں وکیل نہیں۔
اداکار کے ان خیالات کو سوشل میڈیا صارفین کی جانب سے بھرپور پزیرائی مل رہی ہے، اور لوگ ان کے مشورے سے اتفاق کر رہے ہیں۔
یہ پہلی بار نہیں کہ اداکار نے موجودہ حالات اور سماجی مسائل پر دلچسپ انداز مپیں اپنے خیالات کا اظہار کیا ہو۔ ان کی پوسٹس اکثر سوشل میڈیا پر وائرل ہوتی ہیں اور عوام کی توجہ حاصل کرتی ہیں۔
مزید پرئیے:https://urdu.thepenpk.com/?p=5882
