اسلام آباد:پاکستان اور نیوزی لینڈ کے درمیان جاری پانچ میچز پر مشتمل ٹی ٹوئنٹی سیریز کا دوسرا میچ ڈونیڈن میں کھیلا گیا۔
بارش کی وجہ سے ٹاس اور میچ اپنے مقررہ وقت کے بجائے تاخیر سے شروع ہوا۔ نیوزی لینڈ نے ٹاس جیت کر فیلڈنگ کا فیصلہ کیا، اور بارش کے باعث میچ کی فی اننگز پندرہ اوورز تک محدود کر دی گئی۔
پاکستان نے نیوزی لینڈ کو ایک سو چھتیس رنز کا ہدف دیا، جسے کیوی ٹیم نے بآسانی حاصل کر لیا۔
پاکستان کی بیٹنگ:
پاکستان کا آغاز اچھا نہ رہا اور ابتدائی وکٹ ایک رن پر گری۔ اوپنر حسن نواز صفر پر آؤٹ ہوئے۔
اس کے بعد محمد حارث بھی زیادہ دیر پچ پر نہ ٹھہر سکے اور انیس کے مجموعے پر گیارہ رنز بنا کر آؤٹ ہو گئے۔
پاکستان کی تیسری وکٹ پچاس رنز پر گری، جہاں عرفان خان گیارہ رنز بنا کر آؤٹ ہوئے۔
اس کے بعد چوتھی وکٹ باون رنز پر گری، جب خوشدل شاہ صرف دو رنز بنا کر چلتے بنے۔
پاکستان کی پانچویں وکٹ چھہتر رنز پر گری، اور کپتان سلمان آغا اٹھائیس گیندوں پر چھیالیس رنز بنا کر آؤٹ ہو گئے۔ شاداب نے چودہ گیندوں پر چھبیس رنز بنائے، اور ایک سو دس کے مجموعے پر وکٹ گنوا بیٹھے۔
پاکستان کی ساتویں وکٹ ایک سو گیارہ رنز پر گری، جہاں جہانداد خان صفر پر آؤٹ ہو گئے۔
آٹھویں وکٹ ایک سو چودہ رنز پر گری، جب عبدالصمد گیارہ رنز بنا کر آؤٹ ہوئے۔ نویں وکٹ ایک سو پینتیس رنز پر گری، اور حارث رؤف ایک رن بنا کر رن آؤٹ ہو گئے۔
پاکستان نے پندرہ اوورز میں نیوزی لینڈ کو جیت کے لیے ایک سو چھتیس رنز کا ہدف دیا۔
دوسرے ٹی ٹوئنٹی میچ میں قومی ٹیم میں ایک تبدیلی کی گئی تھی، اسپنر ابرار احمد کی جگہ حارث رؤف کو ٹیم میں شامل کیا گیا۔
مزید پرئیے:https://urdu.thepenpk.com/?p=6437
نیوزی لینڈ کی بیٹنگ:
پاکستان کے خلاف نیوزی لینڈ کی پہلی وکٹ چھیاسٹھ رنز پر گری، جب ٹم سائفرٹ پینتالیس رنز بنا کر آؤٹ ہوئے۔
دوسری وکٹ ستاسی رنز پر گری، جہاں فن ایلن اڑتیس رنز بنا کر آؤٹ ہو گئے۔ نیوزی لینڈ کی تیسری وکٹ اکانوے رنز پر گری، جب مارک چیپمین ایک رن بنا کر آؤٹ ہوئے۔
چوتھی وکٹ اٹھانوے رنز پر گری، جب جمی نیشم پانچ رنز بنا کر آؤٹ ہو گئے۔ نیوزی لینڈ کی پانچویں وکٹ ایک سو بتیس رنز پر گری، جہاں ڈیرل مچل چودہ رنز بنا کر آؤٹ ہو گئے۔
پاکستان کی جانب سے ایک سو چھتیس رنز کا ہدف نیوزی لینڈ نے 13.1 اوورز میں پانچ وکٹوں کے نقصان پر حاصل کیا۔
میزبان ٹیم کے اوپنر ٹم سائفرٹ پینتالیس رنز بنا کر نمایاں رہے، اور اننگز میں پانچ چھکے اور تین چوکے لگائے۔ فن ایلن نے سولہ گیندوں پر اڑتیس رنز بنائے، جس میں پانچ چھکے اور ایک چوکا شامل تھا۔
پاکستانی بولنگ:
پاکستانی بولرز میں حارث رؤف نے دو وکٹیں حاصل کیں، جبکہ محمد علی، خوشدل شاہ اور جہانداد خان نے ایک ایک وکٹ حاصل کی۔
سیریز کی صورتحال:
واضح رہے کہ نیوزی لینڈ کو پاکستان کے خلاف پانچ میچز کی سیریز میں 2-0 کی برتری حاصل ہے۔
پاکستان اور نیوزی لینڈ کے درمیان سیریز کا تیسرا ٹی ٹوئنٹی میچ جمعہ کو آکلینڈ میں کھیلا جائے گا۔
