نیوزڈیسک
اسلام آباد: گورنر سندھ کامران ٹیسوری اور معروف گلوکار علی ظفر کی ایک ویڈیو سوشل میڈیا پر دھوم مچا رہی ہے، جس میں وہ مقامی ڈھابے پر مزے سے دال اور روٹی کھاتے دکھائی دے رہے ہیں۔
یومِ آزادی کی تقریبات میں حیدرآباد میں شرکت کے بعد، گورنر سندھ اور علی ظفر کراچی واپسی کے دوران راستے میں ایک ڈھابے پر رکے۔
اس موقع پر ایم کیو ایم رہنما فاروق ستار اور دیگر شخصیات بھی ان کے ہمراہ تھیں۔
گورنر ٹیسوری اور علی ظفر نے نہایت سادہ مگر لذیذ دال اور چوکر کی روٹی کا مزہ لیتے ہوئے خوشگوار لمحات شیئر کیے۔
دورانِ گفتگو گورنر ٹیسوری نے مسکراتے ہوئے کہا کہ آج ہم چوکر کی روٹی ڈبو کر کھائیں گے۔
