نیوزڈیسک
اسلام آباد:امریکا کی متعدد ریاستوں میں موسلا دھار بارشوں اور شدید سیلاب نے نظامِ زندگی کو مفلوج کر دیا ہے۔
خبر ایجنسی کے مطابق کئی ریاستوں میں ریکارڈ بارشیں ہونے سے سیلابی صورتحال پیدا ہو گئی ہے۔
ریاست وسکونسن میں طوفانی بارشوں کے باعث سڑکیں زیرِ آب آ گئیں، گاڑیاں ڈوب گئیں اور ہزاروں مکانات بجلی سے محروم ہو گئے۔
اس کے علاوہ میکسیکو سٹی میں بھی بارشوں نے تباہی مچا دی ہے، جہاں حدِ نگاہ متاثر ہونے کی وجہ سے بینیٹو جواریز ایئرپورٹ پر فضائی آپریشن تین گھنٹے کے لیے معطل رہا۔
نیشنل ویدر سروس نے امریکی ریاست کنساس، آئیووا، نیبراسکا، مِسوری، الینوائے اور وسکونسن کے لیے وارننگ جاری کر دی ہے، جبکہ ماہرین کے مطابق میکسیکو سٹی میں ہفتے سے شروع ہونے والا بارش کا سلسلہ پیر تک جاری رہنے کا امکان ہے۔
