نیوزڈیسک
اسلام آباد: پاکستان پیپلز پارٹی پارلیمنٹرینز کی مرکزی ترجمان شازیہ مری نے پارٹی چیئرمین بلاول بھٹو زرداری کو “نشانِ امتیاز” ملنے پر دلی مبارکباد پیش کی۔
انہوں نے کہا کہ بلاول بھٹو نے عالمی سطح پر پاکستان کے مؤقف کی جرات اور اعتماد سے بھرپور نمائندگی کی۔
دہشت گردی کے خلاف پاکستان کی قربانیوں کو مؤثر انداز میں دنیا کے سامنے پیش کیا، اور “معرکۂ حق” کے موقع پر پاک فوج اور پاک فضائیہ کی پیشہ ورانہ صلاحیت کو اجاگر کیا۔
انہوں نے کہا کہ یہ اعزاز نہ صرف پیپلز پارٹی بلکہ پوری قوم کے لیے باعثِ فخر ہے، اور بلاول کو بہترین سفارتکاری پر “نشانِ امتیاز” دیا گیا ہے۔
شازیہ مری کے مطابق بلاول بھٹو نے شہید ذوالفقار علی بھٹو اور شہید محترمہ
بے نظیر بھٹو کے خواب کو حقیقت کا روپ دیا اور بھارتی سازشوں و انتہا پسندانہ ذہنیت کو بے نقاب کیا۔
پیپلز پارٹی کی مرکزی رہنما نفیسہ شاہ اور اسپیکر قومی اسمبلی راجہ پرویز اشرف نے بھی بلاول بھٹو زرداری کو ان کی غیر معمولی سفارتی خدمات کے اعتراف میں “نشانِ امتیاز” ملنے پر مبارکباد پیش کی۔
