نیوزڈیسک
اسلام آباد: اقوام متحدہ کی جنرل اسمبلی کے 80ویں اجلاس کے موقع پر وزیراعظم شہباز شریف کی ملاقات ورلڈ بینک گروپ کے صدر اجے بنگا سے ہوئی۔
ملاقات میں نائب وزیراعظم اسحاق ڈار اور وزیر خزانہ محمد اورنگزیب بھی شریک ہوئے۔
شہباز شریف نے اجے بنگا کی قیادت میں ورلڈ بینک کے آپریشنز کو آسان بنانے اور نجی شعبے میں وسائل کو فعال کرنے کی کوششوں کی تعریف کی۔
وزیراعظم نے کورونا وبا اور دو ہزور بائیس کے تباہ کن سیلاب کے دوران پاکستان کے لیے بینک کی مستقل اور مؤثر حمایت پر بھی شکریہ ادا کیا۔
شہباز شریف نے ورلڈ بینک کے صدر کو حکومت کے جامع اصلاحاتی ایجنڈے سے آگاہ کیا، جبکہ اجے بنگا نے پاکستان کے اصلاحاتی اقدامات کی تعریف کی اور تعاون جاری رکھنے کا اعادہ کیا۔
