اسلام آباد (ویب ڈیسک): ترجمان اسلام آباد پولیس نے 2 مارچ 2026 کے لیے ریڈ زون سے متعلق ٹریفک ایڈوائزری جاری کر دی۔
ایڈوائزری کے مطابق ریڈ زون میں داخلے کے لیے صرف مارگلہ روڈ اور میریٹ ہوٹل کے راستے کھلے رہیں گے، جبکہ ان کے علاوہ ریڈ زون کی جانب جانے والے تمام داخلی راستے بند رہیں گے۔
پولیس کے مطابق کلب روڈ سے آنے والے شہری کشمیر چوک سے سری نگر ہائی وے، سیونتھ ایونیو اور مارگلہ روڈ کا استعمال کریں۔ اسی طرح بھارہ کہو سے آنے والے شہری بھی کشمیر چوک کے ذریعے سری نگر ہائی وے، سیونتھ ایونیو اور مارگلہ روڈ اختیار کریں۔
شہریوں کو ہدایت کی گئی ہے کہ مزید معلومات کے لیے پکار 15، ٹریفک ہیلپ لائن 1915 پر رابطہ کریں یا آئی ٹی پی ایف ایم 92.4 سنتے رہیں۔
انتظامیہ نے شہریوں سے اپیل کی ہے کہ ٹریفک کی روانی برقرار رکھنے کے لیے متبادل راستوں کا استعمال کریں اور قانون نافذ کرنے والے اداروں سے تعاون کریں۔
