“کویت میں متعدد امریکی طیارے گر کر تباہ ہو گئے، کویتی وزارت دفاع نے تصدیق کر دی”

کویت سٹی (ویب ڈیسک): کویتی وزارت دفاع نے تصدیق کی ہے کہ کویت میں کئی امریکی طیارے گر کر تباہ ہو گئے ہیں، تاہم ان میں سوار عملہ محفوظ رہا۔ اسرائیلی اخبار کے مطابق ایک F-15 لڑاکا طیارہ غلط شناخت کی وجہ سے اپنے ہی حملے میں مار گیا۔

وزارت دفاع کے مطابق یہ واقعہ علی السالم بیس کے قریب ہوا، اور اس کا ایک ویڈیو سوشل میڈیا پر گردش کر رہا تھا، جس میں طیارے کے گرتے ہوئے مناظر دیکھے جا سکتے ہیں۔

غیر ملکی ذرائع کے مطابق، طیارے کا پائلٹ بروقت ایجیکٹ کرکے محفوظ رہا۔ یہ حادثہ “فرینڈلی فائر” کے تحت پیش آیا، تاہم ابھی تک امریکی سینٹرل کمانڈ یا پینٹاگون کی جانب سے سرکاری تصدیق نہیں کی گئی ہے۔

بحرین میں امریکی شہریوں کے لیے وارننگ

بحرین میں امریکی سفارتخانے نے اپنے شہریوں کو ہدایت کی ہے کہ وہ منامہ کے ہوٹلز اور عوامی مقامات سے دور رہیں، کیونکہ امریکی شہریوں کو ممکنہ طور پر نشانہ بنایا جا سکتا ہے۔

ماہرین کا کہنا ہے کہ مشرق وسطیٰ میں فوجی سرگرمیوں میں اضافے کے باعث کشیدگی بڑھ رہی ہے، اور عالمی طاقتیں صورتحال پر گہری نظر رکھے ہوئے ہیں۔