پنجاب میں معدنیات کی تلاش کے لیے جدید سیٹلائٹ ٹیکنالوجی، کینیڈین گروپ کے ساتھ معاہدہ

حکومتِ پنجاب نے صوبے میں چھپے ہوئے معدنی اور قدرتی ذخائر کی دریافت کے لیے جدید ٹیکنالوجی استعمال کرنے کا فیصلہ کیا ہے۔ اس سلسلے میں اور ایک کینیڈین گروپ کے درمیان باقاعدہ معاہدہ طے پا گیا ہے۔چیئرمین پی بی آئی ٹی کے مطابق اس شراکت داری کے تحت سیٹلائٹ سے حاصل ہونے والے ڈیٹاکوجدید ریموٹ سینسنگ اور جیو اسپیشل اینالیٹکس کے ذریعے معلومات میں تبدیل کیا جائے گا جو معدنی اور قدرتی ذخائر کی درست نشاندہی میں مددگار ثابت ہوںگی۔انہوں نے مزید کہا کہ جیو اسپیشل اینالیٹکس کی بدولت صوبے میں موجود وسائل کی بہتر منصوبہ بندی ممکن ہو سکے گی، جس سے نہ صرف معدنیاتکیتلاش کے عمل میں تیزی آئے گی بلکہ صوبے کی معاشی ترقی کے نئے مواقع بھی پیدا ہوں گے۔حکام کا کہنا ہے کہ اس اقدام سے وقت اور لاگت میں کمی آئے گی اور معدنی وسائل کی دریافت کو سائنسی اور شفاف بنیادوں پر یقینی بنایا جا سکے گا۔