کراچی (نیوز ڈیسک) – شہباز شریف اور متحدہ قومی موومنٹ (ایم کیو ایم) کے وفد کے درمیان اہم ملاقات کی اندرونی تفصیلات سامنے آ گئی ہیں۔
ذرائع کے مطابق ایم کیو ایم وفد نے مقامی حکومتوں سے متعلق 28ویں آئینی ترمیم جلد لانے اور اس سلسلے میں تمام سیاسی جماعتوں سے مشاورت کا مطالبہ کیا۔ وفد نے مؤقف اختیار کیا کہ خطے کی موجودہ صورتحال کے پیش نظر ایم کیو ایم کی مجوزہ آئینی ترمیم وقت کی اہم ضرورت ہے اور اسے 28ویں ترمیم کا حصہ بنایا جائے۔
وزیراعظم شہباز شریف نے مطالبات کو جائز قرار دیتے ہوئے آئندہ ہفتے ایک اور ملاقات پر اتفاق کیا۔
ذرائع کے مطابق وزیراعظم نے نہال ہاشمی کو ہدایت کی کہ صوبے میں ایم کیو ایم کو کسی قسم کی شکایت نہیں ہونی چاہیے۔ ملاقات کے دوران ایم کیو ایم نے شکوہ کیا کہ بطور اتحادی جماعت اہم فیصلوں میں اعتماد میں نہیں لیا جا رہا، جس پر وزیراعظم نے ہر اہم معاملے میں ساتھ رکھنے کی یقین دہانی کرائی۔
ایم کیو ایم وفد نے کراچی پیکیج پر کام تیز کرنے کی درخواست بھی کی اور کہا کہ شہر میں امن و امان اور انفراسٹرکچر کی صورتحال انتہائی خراب ہے۔
ذرائع کا کہنا ہے کہ سندھ میں گورنر کی تبدیلی کو وزیراعظم نے سیاسی فیصلہ قرار دیا اور کامران ٹیسوری کو بطور گورنر فعال شخصیت قرار دیا
