راولپنڈی میں سیکیورٹی فورسز نے خیبر پختونخوا کے مختلف علاقوں میں دو الگ الگ انٹیلی جنس بیسڈ آپریشنز کے دوران 13 عسکریت پسندوں کو ہلاک کر دیا۔
پاک فوج کے شعبہ تعلقات عامہ آئی ایس پی آر کے مطابق یہ کارروائیاں ضلع خیبر کے علاقے باڑہ اور ضلع بنوں میں خفیہ اطلاعات کی بنیاد پر کی گئیں۔باڑہ میں کیے گئے آپریشن کے دوران سیکیورٹی فورسز نے عسکریت پسندوں کے ٹھکانے کو نشانہ بنایا، جہاں شدید فائرنگ کے تبادلے میں 10 عسکریت پسند مارے گئے۔ جبکہ بنوں میں ایک علیحدہ کارروائی میں مزید 3 عسکریت پسند ہلاک کیے گئے۔ کام کے مطابق دونوں علاقوں میں کلیئرنس آپریشنز جاری ہیں تاکہ کسی بھی باقی ماندہ عناصر کا خاتمہ یقینی بنایا جا سکے۔آئی ایس پی آر کا کہنا ہے کہ سیکیورٹی فورسز ملک سے غیر ملکی حمایت یافتہ دہشت گردی کے خاتمے کے لیے پرعزم ہیں اور اس مقصد کے لیے انسداد دہشت گردی کی کارروائیاں جاری رکھی جائیں گی۔رپورٹس کے مطابق 2021 میں افغانستان میں طالبان کے اقتدار میں آنے کے بعد پاکستان، خصوصاً خیبر پختونخوا اور بلوچستان میں دہشت گردی کے واقعات میں اضافہ ہوا ہے، جس کے پیش نظر سیکیورٹی فورسز نے سرحدی علاقوں میں آپریشنز تیز کر دیے ہیں۔
