راولپنڈی کے علاقے روات میں پولیس نے فوری کارروائی کرتے ہوئے شادی شدہ خاتون کے ساتھ مبینہ زیادتی میں ملوث تین ملزمان کو گرفتار کر لیا ہے۔
پولیس کے مطابق گرفتار افراد میں وین کا ڈرائیور، کنڈیکٹر اور ان کا ایک ساتھی شامل ہے۔ واقعہ اس وقت پیش آیا جب متاثرہ خاتون شاپنگ کے لیے جا رہی تھیں اور گاڑی میں موجود ملزمان نے مبینہ طور پر ان کے ساتھ زیادتی کی۔
سی پی او خالد محمود ہمدانی نے واقعے کا نوٹس لیتے ہوئے ملزمان کی فوری گرفتاری کا حکم دیا، جس پر پولیس نے کارروائی کرتے ہوئے تینوں ملزمان کو حراست میں لے لیا۔
کیس میں اس وقت اہم پیش رفت ہوئی جب مدعیہ نے الزام عائد کیا کہ اس گھناؤنے فعل کے پیچھے ان کی ساس اور نند کا بھی کردار ہو سکتا ہے۔ پولیس نے ان دونوں خواتین کو بھی شاملِ تفتیش کر لیا ہے۔
حکام کے مطابق واقعے کی مختلف پہلوؤں سے تحقیقات جاری ہیں اور شواہد کی بنیاد پر میرٹ پر تفتیش مکمل کر کے ملزمان کو قانون کے مطابق سخت سزا دلائی جائے گی۔
