سکھر (ویب ڈیسک) – سندھ میں سکر سے ملتان موٹر وے ایم-5 پر تقریباً 200 کلومیٹر کے علاقے میں نصب جدید سرویلنس اور اسپيڈ کیمرا، سولر پینل، لائٹس اور پولز چوری ہو گئے ہیں، جس سے وفاقی منصوبے کی شدید بدانتظامی عیاں ہو گئی ہے۔
ضلعی گهوٹکی کے علاقے خان جنگل کے گرد صورتحال مزید تشویشناک ہے، جہاں کیمروں اور سولر پولز کے ساتھ پولیس کی سیکیورٹی چوکیوں کی چھتیں بھی غائب ہو گئی ہیں۔
چوکیوں میں نہ صرف زندگی کے آثار نہیں ملے بلکہ لائٹس اور ریفلیکٹرز بھی غائب ہیں۔ موٹر وے کی سروس ایریاز کی اسٹریٹ لائٹس بند ہیں اور حال ہی میں نصب شدہ سولر ریفلیکٹرز تقریباً 90 فیصد خراب ہو چکے ہیں۔
چوری اور غیر فعال کیمروں کی وجہ سے موٹر وے پولیس کا عملہ اب پرانے طریقے سے روڈ پر اسپيڈ کیمرا رکھ کر جرمانے کر رہا ہے، جس سے ٹریفک کنٹرول میں مشکلات پیدا ہو رہی ہیں۔
