سکھر (ویب ڈیسک) – ایل پی جی کی قیمت اس وقت ملکی تاریخ کی بلند ترین سطح 500 روپے فی کلو تک پہنچ گئی ہے۔
نجی ٹی وی کی رپورٹ کے مطابق صارفین کا کہنا ہے کہ انہیں ایل پی جی سرکاری طور پر مقرر کردہ قیمت سے بھی 200 روپے زیادہ میں دستیاب ہو رہی ہے۔
دوسری جانب ایل پی جی ڈسٹری بیوٹرز ایسوسی ایشن کے چیئرمین عبدالہادی خان نے اس صورتحال پر تشویش کا اظہار کیا ہے۔ انہوں نے کہا کہ مارکیٹ میں سپلائی کی کمی اور ڈسٹری بیوٹرز کو مہنگے نرخ پر ایل پی جی ملنا اس کے بنیادی سبب ہیں جس کی وجہ سے قیمتیں مزید بڑھ رہی ہیں۔
عبدالہادی خان نے مزید وضاحت کی کہ اوگرا اور متعلقہ امپورٹرز ایل پی جی کو زیادہ قیمت پر فروخت ہونے سے روکنے میں مکمل طور پر ناکام ہو چکے ہیں، جس کی وجہ سے یہ بحران بڑھ رہا ہے
