نیویارک (20 جولائی 2026): فیفا ورلڈ کپ کی اختتامی تقریب کے دوران امریکی صدر ڈونلڈ ٹرمپ کی اسٹیج پر موجودگی سوشل میڈیا اور عالمی میڈیا میں توجہ کا مرکز بن گئی۔تقریب کے دوران صدر ٹرمپ نے عالمی چیمپئن اسپین کو ورلڈ کپ ٹرافی پیش کی، جبکہ رنر اپ ارجنٹینا کے کھلاڑیوں اور میچ آفیشلز میں بھی میڈلز تقسیم کیے۔ ارجنٹینا کے کپتان لیونل میسی شکست کے بعد سلور میڈل وصول کرتے ہوئے جذباتی دکھائی دیے۔رپورٹس کے مطابق اسپین کے مڈفیلڈر اور گولڈن بال ایوارڈ یافتہ روڈری کو ٹرافی دینے کے بعد صدر ٹرمپ اسٹیج پر موجود رہے، جبکہ اسپین کی ٹیم ٹرافی اٹھا کر اپنی تاریخی فتح کا جشن منا رہی تھی۔تقریب کے دوران فیفا کے صدر جیانی انفانٹینو کو ٹرمپ کے قریب آتے دیکھا گیا۔ بعض مبصرین نے اس منظر کو اس طرح تعبیر کیا کہ وہ صدر ٹرمپ کو اسٹیج سے ہٹانے کی کوشش کر رہے تھے تاکہ چیمپئن ٹیم اپنی روایتی اجتماعی تقریب مکمل کر سکے، تاہم اس حوالے سے فیفا یا وائٹ ہاؤس کی جانب سے کوئی باضابطہ بیان سامنے نہیں آیا۔
