کراچی کے علاقے گلستانِ جوہر بلاک 3 میں واقع ایک شیشہ کیفے میں فائرنگ کے نتیجے میں ایک شخص جاں بحق ہو گیا۔ پولیس کے مطابق مقتول کی شناخت نجیب کے نام سے ہوئی ہے۔ابتدائی تحقیقات کے مطابق چند افراد نشے کی حالت میں کیفے میں داخل ہوئے اور خواتین کے لیے مخصوص حصے میں بیٹھنے کی کوشش کی۔ کیفے انتظامیہ کی جانب سے منع کرنے پر ملزمان مشتعل ہو گئے اور ان کا سیکیورٹی گارڈ کے ساتھ جھگڑا شروع ہو گیا۔پولیس کا کہنا ہے کہ تلخ کلامی کے دوران سیکیورٹی گارڈ سے مبینہ طور پر گولی چل گئی، جس کے نتیجے میں نجیب نامی شخص موقع پر ہی جاں بحق ہو گیا۔واقعے کے بعد پولیس نے فوری کارروائی کرتے ہوئے کیفے کے منیجر اور سیکیورٹی گارڈ کو حراست میں لے لیا ہے، جبکہ مزید تفتیش جاری ہے۔
