لاہور (ویب ڈیسک): حکومتِ پنجاب نے اساتذہ کے لیے بلاسود اقساط پر الیکٹرک بائیکس فراہم کرنے کا اعلان کر دیا ہے، جس کے تحت ماہانہ قسط 3,600 سے 4,200 روپے کے درمیان ہوگی۔
تفصیلات کے مطابق اس اقدام کا مقصد اساتذہ کو سستی، مؤثر اور ماحول دوست سفری سہولت فراہم کرنا ہے تاکہ ان کے اخراجات میں کمی لائی جا سکے۔
اسکیم کے تحت ایک ای بائیک کی قیمت تقریباً 2 لاکھ سے ڈھائی لاکھ روپے کے درمیان ہوگی، جس میں سے 30 سے 40 فیصد رقم حکومت سبسڈی کے طور پر ادا کرے گی، جبکہ باقی رقم اساتذہ 2 سے 3 سال کی آسان اقساط میں ادا کریں گے۔
رپورٹ کے مطابق ماہانہ قسط 3,600 سے 4,200 روپے کے درمیان رکھی گئی ہے، جو اساتذہ کے لیے بڑا ریلیف سمجھی جا رہی ہے۔
درخواست کا طریقہ کار
ای بائیک اسکیم کے لیے آن لائن درخواستوں کا آغاز جلد کیا جائے گا۔ اساتذہ پنجاب ٹیچرز فاؤنڈیشن کی ویب سائٹ کے ذریعے اپلائی کر سکیں گے۔
درخواست کے لیے شناختی کارڈ (CNIC)، سروس سرٹیفکیٹ، درست ڈرائیونگ لائسنس اور پاسپورٹ سائز تصویر جمع کروانا ہوگی۔
درخواست مکمل ہونے کے بعد ویریفیکیشن سلپ ڈاؤن لوڈ کی جا سکے گی، جبکہ اہلیت کی حتمی اطلاع ایس ایم ایس یا ای میل کے ذریعے دی جائے گی۔
