کراچی (ویب ڈیسک): رویت ہلال ریسرچ کونسل نے پیشگوئی کی ہے کہ اگر موسم صاف رہا تو پاکستان میں ذوالحج 1447 ہجری کا چاند اتوار 17 مئی 2026 کی شام کو نظر آ سکتا ہے۔
کونسل کے مطابق اس صورت میں یکم ذوالحج پیر 18 مئی کو ہوگی جبکہ عیدالاضحیٰ بدھ 27 مئی 2026 کو منائے جانے کا امکان ہے۔
سیکریٹری جنرل خالد اعجاز مفتی کے مطابق نیا چاند 16 اور 17 مئی کی درمیانی شب پاکستان کے وقت کے مطابق ایک بج کر ایک منٹ پر پیدا ہوگا۔
انہوں نے بتایا کہ 17 مئی کی شام غروبِ آفتاب کے وقت چاند کی عمر پاکستان کے مختلف علاقوں میں 18 گھنٹے سے زائد ہوگی، جو رویت کے لیے موزوں سمجھی جاتی ہے۔
کونسل کے مطابق اگر 17 مئی کو مطلع ابر آلود ہوا اور چاند نظر نہ آ سکا تو ذوالقعدہ کے 30 دن مکمل کیے جائیں گے، جس کے بعد یکم ذوالحج منگل 19 مئی کو ہوگی۔
کونسل نے امید ظاہر کی ہے کہ اس بار پاکستان اور سعودی عرب میں عیدالاضحیٰ ایک ہی دن یعنی 27 مئی کو منائی جا سکتی ہے۔
