پٹرولیم قیمتوں میں اضافہ عدالت میں چیلنج، 200 روپے فی لیٹر مقرر کرنے کی استدعا
خبر:
پٹرولیم مصنوعات کی قیمتوں میں حالیہ اضافے کو آئینی عدالت میں چیلنج کر دیا گیا ہے۔ درخواست گزار نے عدالت سے استدعا کی ہے کہ حکومت کو پٹرول اور ڈیزل کی قیمت 200 روپے فی لیٹر مقرر کرنے کا حکم دیا جائے۔
درخواست میں حکومتِ پاکستان اور سیکریٹری اسٹیبلشمنٹ ڈویژن کو فریق بنایا گیا ہے۔ پٹیشنر نے مؤقف اختیار کیا ہے کہ ملک میں پٹرول اور ڈیزل کی قیمتوں کا 400 روپے فی لیٹر تک پہنچ جانا غریب عوام پر ظلم کے مترادف ہے اور اس سے عام آدمی کی زندگی شدید متاثر ہو رہی ہے۔
درخواست گزار نے عدالت سے یہ بھی مطالبہ کیا ہے کہ حکومت کو ایران سے پٹرولیم مصنوعات خریدنے اور خلیجی ممالک سے رعایتی نرخوں پر تیل حاصل کرنے کی کوشش کرنے کا حکم دیا جائے۔
پٹیشن میں مزید کہا گیا ہے کہ پٹرولیم مصنوعات کی قیمتوں میں اضافے کے لیے ایران جنگ، آبنائے ہرمز کی صورتحال اور آئی ایم ایف کے دباؤ کو جواز بنایا جا رہا ہے، جو عوام کے لیے ناقابلِ برداشت بوجھ بن چکا ہے۔
