کراچی (ویب ڈیسک): شہرِ قائد کے علاقے کورنگی روڈ کے قریب نامعلوم افراد نے ایک نوجوان پر تیزاب پھینک دیا، جس کے نتیجے میں وہ شدید زخمی ہو گیا۔
پولیس حکام کے مطابق متاثرہ نوجوان ایک نجی کمپنی کے لیے موبائل سمز فروخت کرنے کا کام کرتا تھا۔ واقعے کے وقت موٹر سائیکل پر سوار نامعلوم ملزمان نے اس پر تیزاب پھینکا اور موقع سے فرار ہو گئے۔
زخمی نوجوان کو فوری طور پر اسپتال منتقل کر دیا گیا جہاں اس کا علاج جاری ہے۔
پولیس کا کہنا ہے کہ واقعے کی تحقیقات شروع کر دی گئی ہیں اور سی سی ٹی وی کیمروں سمیت دیگر شواہد کی مدد سے ملزمان کی تلاش جاری ہے تاکہ حملے کی وجوہات معلوم کی جا سکیں۔
