اسلام آباد میں اینٹی موٹر سائیکل لفٹنگ یونٹ نے بڑی کارروائی کرتے ہوئے بین الصوبائی موٹر سائیکل چور گینگ کے تین ارکان کو گرفتار کر لیا۔ گرفتار ملزمان میں گینگ کا سرغنہ بھی شامل ہے، جس کی شناخت کاشف عرف مانو، اجلال حیدر اور محمد ذیشان کے ناموں سے ہوئی ہے۔پولیس کے مطابق گرفتار گینگ، جسے “مانو گینگ” کے نام سے جانا جاتا ہے، اسلام آباد اور راولپنڈی کے مختلف علاقوں میں موٹر سائیکل چوری کی درجنوں وارداتوں میں ملوث تھا۔ کارروائی کے دوران ملزمان کے قبضے سے لاکھوں روپے مالیت کے 13 چوری شدہ موٹر سائیکل برآمد کیے گئے، جو 10 سے زائد مقدمات میں چوری کیے گئے تھے۔اس کے علاوہ ملزمان سے جعلی کرنسی اور اسلحہ و ایمونیشن بھی برآمد کیا گیا ہے۔ پولیس حکام کا کہنا ہے کہ ملزمان کا سابقہ کرمنل ریکارڈ بھی موجود ہے اور ان سے مزید تفتیش جاری ہے۔ڈی آئی جی اسلام آباد محمد جواد طارق نے کہا ہے کہ پولیس منظم اور متحرک جرائم پیشہ گروہوں کے خلاف بڑے پیمانے پر کارروائیاں جاری رکھے ہوئے ہے۔ ان کا مزید کہنا تھا کہ شہریوں کے جان و مال کا تحفظ اسلام آباد پولیس کی اولین ترجیح ہے۔
