آزاد کشمیر کے شہریوں کے لیے بڑی خوشخبری ہے کہ حکومت نے 8 اضلاع میں انٹرنیٹ سروسز کی مرحلہ وار بحالی کا فیصلہ کر لیا ہے۔ اس سلسلے میں محکمہ داخلہ آزاد کشمیر کی جانب سے وفاقی وزارتِ داخلہ کو درخواست ارسال کر دی گئی ہے۔
نوٹیفکیشن کے مطابق مظفرآباد ڈویژن میں ڈی ایس ایل جبکہ تھری جی اور فور جی انٹرنیٹ سروسز بحال کی جائیں گی۔
باغ اور دھیرکوٹ میں انٹرنیٹ سروس صرف تعلیمی اداروں اور بینکوں کے لیے محدود ڈی ایس ایل کی صورت میں بحال ہوگی، جبکہ حویلی کہوٹہ میں ڈی ایس ایل، تھری جی اور فور جی سروسز بحال کرنے کا فیصلہ کیا گیا ہے۔
میرپور اور بھمبر کے مکمل اضلاع میں ڈی ایس ایل انٹرنیٹ سروس دستیاب ہوگی۔
دوسری جانب سہنسہ، سرساوہ، بلوچ اور تتہ پانی میں ڈی ایس ایل سروس بحال نہیں کی جائے گی، جبکہ راولاکوٹ اور سدھنوتی میں بھی فی الحال انٹرنیٹ سروس بحال نہیں ہوگی۔
