آبنائے ہرمز کے جنوبی حصے میں دو بحری بارودی سرنگوں سے ٹکرانے کے بعد ایک سپر ٹینکر میں آگ لگ گئی، جس کے باعث جہاز کو روک دیا گیا۔
ایرانی سرکاری ٹی وی کے مطابق ٹینکر آبی گزرگاہ سے غیر قانونی طور پر گزرنے کی کوشش کر رہا تھا۔ تاہم جہاز اور عملے سے متعلق مزید تفصیلات جاری نہیں کی گئیں۔
پاسدارانِ انقلاب نے خبردار کیا ہے کہ سیکیورٹی قواعد کی خلاف ورزی کرنے والے دیگر بحری جہازوں کو بھی نشانہ بنایا جائے گا، جبکہ آبنائے ہرمز سے گزرنے کے لیے مقررہ ضوابط پر عمل کرنا لازمی ہوگا۔
دوسری جانب امریکی سینٹرل کمانڈ (سینٹ کام) کا کہنا ہے کہ امریکی فورسز نے آبنائے ہرمز میں خطرہ بننے والی ایرانی پاسدارانِ انقلاب کی بارودی سرنگیں بچھانے والی فورسز کے خلاف محدود اور انتہائی درست کارروائی کی ہے۔
سینٹ کام کے مطابق لارک جزیرے پر موجود ایرانی پاسدارانِ انقلاب کی مائن لیئنگ فورسز آبنائے ہرمز میں خطرے کا سبب بن رہی تھیں۔
ادھر ایرانی صدر مسعود پزشکیان نے کہا ہے کہ ایران کسی کی دھمکیوں کے سامنے نہیں جھکے گا۔
