نیوز ڈیسک
اسلام آباد: اسلام آباد ٹریفک پولیس نے یادگار فتح مونومنٹ کی تقریب کے موقع پر ٹریفک کی روانی برقرار رکھنے کے لیے ڈائیورشن پلان جاری کر دیا ہے۔
ٹریفک پولیس کے مطابق تقریب کے دوران بعض سڑکیں ٹریفک کے لیے بند رہیں گی، جبکہ شہریوں کی سہولت کے لیے متبادل راستے اور ڈائیورشنز مقرر کیے گئے ہیں۔
بند رہنے والی سڑکیں:
الشفاء ہسپتال سے فیڈرل بورڈ کی جانب جانے والی سروس روڈ بند رہے گی۔
بیکن ہاؤس سے فیض احمد فیض روڈ کی جانب جعفر خان جمالی روڈ تک راستہ بند رہے گا۔
ٹریفک ڈائیورشنز:
صاحبزادہ عبدالقیم روڈ سے سیکٹر I-8 سروس روڈ ایسٹ کی جانب ٹریفک کو موڑا جائے گا۔
الشفاء سگنل سے میر چاکر روڈ کی جانب ٹریفک کی ڈائیورشن کی جائے گی۔
متبادل راستے:
ٹریفک پولیس نے شہریوں کو میر چاکر روڈ، پطرس بخاری روڈ اور سیکٹر I-8 مین ڈبل روڈ استعمال کرنے کی ہدایت کی ہے۔
اسلام آباد ٹریفک پولیس نے شہریوں سے اپیل کی ہے کہ وہ اپنی گاڑیاں مقررہ پارکنگ ایریاز میں پارک کریں اور ٹریفک پلان پر عمل درآمد میں پولیس سے تعاون کریں۔
مزید ٹریفک اپڈیٹس کے لیے شہری آئی ٹی پی ریڈیو ایف ایم 92.4 اور اسلام آباد ٹریفک پولیس کے سوشل میڈیا پیجز سے تازہ معلومات حاصل کر سکتے ہیں۔
