نیوز ڈیسک
پاکستان کرکٹ ٹیم کے سابق کپتان اور ہیڈ کوچ مصباح الحق نے نیپال پریمیئر لیگ میں نئی ذمہ داری سنبھال لی ہے۔ انہیں لیگ کی ٹیم سودرپسچم رائلز کا ہیڈ کوچ مقرر کر دیا گیا ہے۔
اس تقرری پر اپنے ردعمل میں مصباح الحق نے کہا کہ وہ سودرپسچم رائلز کا حصہ بننے پر بہت پُرجوش ہیں۔ ان کے مطابق نیپال میں کرکٹ کے لیے زبردست جوش و خروش پایا جاتا ہے اور وہ اس ماحول کا حصہ بننے کے منتظر ہیں۔
نیپال پریمیئر لیگ 26 اکتوبر سے 21 نومبر تک کھیلی جائے گی، جس میں مختلف ٹیمیں ٹائٹل کے حصول کے لیے میدان میں اتریں گی۔
واضح رہے کہ مصباح الحق پاکستان کرکٹ ٹیم کے ہیڈ کوچ کی ذمہ داریاں بھی انجام دے چکے ہیں۔ وہ حال ہی میں قومی سلیکشن کمیٹی سے بھی الگ ہوئے تھے، جس کے بعد نیپال پریمیئر لیگ میں ان کی تقرری ان کے کوچنگ کیریئر میں ایک نئی پیش رفت ہے۔
