اسلام آباد:پاکستان کی معروف اور خوبصورت اداکارہ عتیقہ اوڈھو نے حال ہی میں احمد علی بٹ کے پوڈ کاسٹ میں شرکت کی اور اپنے تینوں شوہروں کی خوبصورتی کا اعتراف کیا۔
عتیقہ نے اپنے تیسرے شوہر ثمر علی خان کے بارے میں بات کرتے ہوئے کہا کہ انہیں اپنے شوہر کی بہت سی خصوصیات پسند ہیں اور یہی وجہ ہے کہ وہ ان کے ساتھ ہیں۔
انہوں نے وضاحت کی کہ شادی کو برقرار رکھنے کے لیے وہ اپنے شوہر کی خوبیوں پر توجہ دیتی ہیں، اور یہی وجہ ہے کہ ان کی شادی کامیاب ہے۔
اداکارہ نے مزید کہا کہ ہر رشتہ اتار چڑھاؤ کے ساتھ آتا ہے، لیکن ایک دوسرے کی حمایت اور سمجھ بوجھ سے رشتہ مضبوط رہتا ہے۔
اداکارہ نے اپنے موجودہ اور سابقہ شوہروں کی خوبصورتی کی تعریف کی اور بتایا کہ ان کے دوست بھی ان کے تمام شوہروں کی تعریف کرتے ہیں۔ اداکارہ نے ثمر علی کے صبر اور برداشت کی خوبیوں کا بھی ذکر کیا۔
عتیقہ کا کہنا ہےکہ انہیں خوبصورتی پسند ہے اور وہ ہمیشہ اچھے قد اور خوبصورت شخصیت والے مردوں کو ترجیح دیتی ہیں۔
واضح رہے کہ اداکارہ کی پہلی شادی 15 سال کی عمر میں ہوئی تھی، جو 10 سال تک چل سکی۔ اس کے بعد انہوں نے اپنی مرضی سے دوسری شادی کی، وہ بھی کامیاب نہ ہو سکی۔
اداکارہ نے اپنی مسلسل ناکام شادیوں کے بعد جون 2012ء میں ثمر علی خان سے شادی کی۔ ڈاکٹر ثمر علی 2013ء سے 2018ء تک سندھ اسمبلی کے رکن رہ چکے ہیں۔
