اسلام آباد:انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کر دی ہے۔
پاکستان کے بیٹر سعود شکیل بیٹنگ رینکنگ میں 20 درجے ترقی کے بعد 7ویں نمبر پر آ گئے ہیں۔
نیوزی لینڈ کے راچن رویندرا بھی 8 درجے ترقی کے ساتھ 10ویں نمبر پر پہنچ گئے ہیں۔
بیٹنگ میں انگلینڈ کے جو روٹ کی پہلی پوزیشن برقرار ہے جبکہ نیوزی لینڈ کے کین ولیمسن دوسرے نمبر پر موجود ہیں۔
بھارت کے جیسوال ایک درجے ترقی کے بعد تیسرے نمبر پر آ گئے ہیں، جب کہ ویرات کوہلی 6 درجے تنزلی کے بعد 14ویں نمبر پر چلے گئے ہیں۔پاکستان کے بابر اعظم 19 سے 18 ویں نمبر پر آ گئے ہیں۔
ٹیسٹ بولرز کی رینکنگ میں بھارت کے جسپریت بمرا کی پہلی پوزیشن چھن گئی ہے، اور جنوبی افریقا کے کگیسو ربادا نمبر ون بولر بن گئے ہیں، جن کی رینکنگ میں 3 درجے ترقی ہوئی ہے۔
بمرا تیسرے نمبر پر چلے گئے ہیں، جبکہ آسٹریلیا کے جوش ہیزل ووڈ ایک درجے ترقی کے بعد دوسرے نمبر پر آ گئے ہیں۔
بھارت کے روی چندرن ایشون دو درجے تنزلی کے بعد چوتھے نمبر پر ہیں، اور پاکستان کے نعمان علی 8 درجے ترقی کے بعد 9 ویں پوزیشن پر آ گئے ہیں۔ساجد خان نے بھی 12 درجے ترقی کی اور 38 نمبر پر پہنچ گئے ہیں۔ٹیسٹ آل راؤنڈرز میں بھارت کے رویندرا جڈیجا کی پہلی پوزیشن برقرار ہے۔
