چینی کی قیمتوں میں کمی، یوٹیلیٹی اسٹورز پر چینی 140 روپے فی کلو دستیاب

اسلام آباد:یوٹیلیٹی اسٹورز کارپوریشن نے چینی کی قیمتوں میں 13 روپے فی کلو کمی کر دی ہے، جس کا اطلاق فوری طور پر ہو گا۔

نئی قیمت 140 روپے فی کلو مقرر کی گئی ہے، جبکہ اس سے قبل یوٹیلیٹی اسٹورز پر چینی 153 روپے فی کلو کی قیمت پر دستیاب تھی۔

ذرائع کے مطابق، یوٹیلیٹی اسٹورز نے شوگر ملز سے چینی کی قیمت کم کرنے کی درخواست کی تھی، جس پر شوگر ملز مالکان نے 17 روپے فی کلو کمی کی۔اس کے بعد، یوٹیلیٹی اسٹورز نے 12 ہزار میٹرک ٹن چینی کی خریداری کی تھی۔

یوٹیلیٹی اسٹورز نے 137 روپے فی کلو کی قیمت پر چینی خریدی تھی، اور اخراجات شامل کرنے کے بعد چینی کی قیمت تقریبا 152 روپے فی کلو پڑی تھی۔

مزید پرئیے:https://urdu.thepenpk.com/?p=4925