اسلام آباد:خوبرو اور باصلاحیت اداکارہ ہانیہ عامر نے بالی ووڈ کے کنگ شاہ رخ خان سے ملاقات کی خواہش کا اظہار کیا ہے، جس کے بعد ان کے مداحوں میں بھی یہ خبر موضوعِ بحث بن گئی ہے۔
فہد مصطفیٰ کے ساتھ ڈرامہ “کبھی میں کبھی تم” سے مقبولیت کی بلندیوں تک پہنچنے والی ہانیہ عامر اس وقت کینیڈا کے شہر ٹورنٹو میں غیر ملکی دورے پر ہیں، جہاں ان کے اعزاز میں ایک تقریب کا انعقاد کیا گیا۔
اس دوران مداحوں نے اداکارہ سے دلچسپ سوالات کیے۔ایک ویڈیو سوشل میڈیا پر وائرل ہوئی ہے جس میں ہانیہ عامر نے شاہ رخ خان سے ملنے کی اپنی خواہش کا اظہار کیا۔
مزید پرئیے:https://urdu.thepenpk.com/?p=5082
جب میزبان نے ان سے سوال کیا کہ کیا وہ شاہ رخ خان سے ملنا چاہیں گی، تو ہانیہ عامر نے کہا کہ شاہ رخ خان، اگر آپ یہ دیکھ رہے ہیں تو مجھ سے مل لیں۔
انہوں نے مزید کہا کہ میں ابھی تک شاہ رخ خان سے نہیں ملی اور یہ ایک اداس کر دینے والی بات ہے۔
یاد رہے کہ ہانیہ عامر شاہ رخ خان کی بڑی مداح ہیں اور وہ ان کے سگنیچر انداز میں ویڈیوز بھی بناتی نظر آ چکی ہیں۔
