جنوبی امریکہ میں روحانی رسم، میکسیکن اداکارہ کی ہلاکت کا سبب

اسلام آباد:میکسیکن اداکارہ کی روحانی رسم کی ادائیگی کے دوران مینڈک کے زہر سے المناک موت واقع ہو گئی۔

غیر ملکی میڈیا کے مطابق تینتیس سالہ مارسیلا الکازار روڈریگز بیماری کے علاج کے لیے جسم سے زہریلے مادوں کو نکالنے کی ایک روحانی رسم کے دوران ہلاک ہوئیں۔

رپورٹس کے مطابق یہ خطرناک روایت جنوبی امریکہ کے کچھ حصوں میں رائج ہے، جس میں افراد ایمازون کے بڑے مینڈکوں کے زہر کو پیتے ہیں یا کسی طریقے سے اسے اپنے جسم میں داخل کرتے ہیں۔

ہفتے کے روز اداکارہ نے زہر پینے کے فوراً بعد الٹیاں شروع کر دیں اور ان کی حالت بگڑتی گئی۔انہیں اسپتال منتقل کیا گیا، لیکن ڈاکٹرز ان کی جان بچانے میں ناکام رہے۔

اس رسم کے تحت جسم سے بیماری نکالنے کے عمل کو ڈائریا اور الٹی کے ذریعے شفا کا نشان سمجھا جاتا ہے، لیکن مارسیلا کے ساتھ ایسا نہیں ہو سکا اور وہ موت کے منہ میں چلی گئیں۔پولیس نے اس خطرناک رسم کا انتظام کرنے والے شخص کی تلاش شروع کر دی ہے۔

مزید پرئیے:https://urdu.thepenpk.com/?p=5481