کیلیفورنیا:امریکی ریاست کیلیفورنیا کے جنگلات خوفناک آگ کی لپیٹ میں ہیں، جو چار ہزار ایکڑ سے زائد رقبے پر پھیل چکی ہے۔
غیر ملکی خبر رساں ایجنسی کے مطابق کیلیفورنیا کے علاقے ملیبو میں تین دن قبل لگی آگ پر فلحال مکمل قابو نہیں پایا جا سکا۔
جنگلات میں لگی آگ کی وجہ سے تقریباً تھریسٹھ ہزار افراد کا انخلاء کر لیا گیا ہے جبکہ علاقے کے اسکول اور کاروبار بند ہو گئے ہیں۔
میڈیا رپورٹس کے مطابق، آگ کے نتیجے میں نو عمارتیں مکمل طور پر تباہ ہو گئی ہیں اور چھ کو شدید نقصان پہنچا ہے۔
“فرینکلن فائر” پر اب تک صرف سات فیصد قابو پایا جا سکا ہے، جبکہ تقریباً دو ہزار فائر فائٹرز آگ بجھانے کی کوششوں میں مصروف ہیں۔
کیلیفورنیا فاریسٹری اور فائر پروٹیکشن ڈپارٹمنٹ کے اسسٹنٹ چیف، ڈسٹی مارٹن کے مطابق، پہاڑی علاقے کی دشواریوں کی وجہ سے آگ پر قابو پانے میں مزید دن لگ سکتے ہیں۔
کیپٹن، لاس اینجلس کاؤنٹی شیرف ڈپارٹمنٹ کے مطابق، جنگلات میں لگی آگ کے نتیجے میں تقریباً بائیس ہزار افراد متاثر ہوئے ہیں، جن کے انخلاء کی کوششیں جاری ہیں۔
مزید پرئیے:https://urdu.thepenpk.com/?p=5593
