اسلام آباد:جنوبی افریقا نے پہلے ٹیسٹ میچ میں پاکستان کے خلاف ٹاس جیت کر فیلڈنگ کا فیصلہ کیا ہے۔
سنچورین کے سپر اسپورٹس پارک میں ٹاس کے بعد گفتگو کرتے ہوئے جنوبی افریقی کپتان ٹیمبا باوما نے کہا کہ ہم اس سیریز کو جیتنے پر فوکس کر رہے ہیں۔
قومی کرکٹ ٹیم کی باکسنگ ڈے ٹیسٹ کے لیے تیاریاں مکمل ہوگئیں ہیں، کھلاڑیوں نے گزشتہ روز بیٹنگ، بولنگ اور فیلڈنگ کی جم کر پریکٹس کی۔
پاکستان کرکٹ ٹیم کے کپتان شان مسعود نے اس موقع پر کہا کہ کنڈیشنز سیمرز کے لیے فائدہ مند ہوں گی، اور ہم اس چیلنج کا مقابلہ کرنے کے لیے پُرجوش ہیں۔
پاکستان ٹیم:
پہلے ٹیسٹ کے لیے قومی ٹیم میں کپتان شان مسعود، صائم ایوب، بابر اعظم، کامران غلام، محمد رضوان، سعود شکیل، سلمان آغا، عامر جمال، نسیم شاہ، خرم شہزاد اور محمد عباس شامل ہیں۔
یاد رہے کہ پاکستان کرکٹ ٹیم کے دورہ جنوبی افریقا کا آغاز ٹی ٹوئنٹی سیریز سے ہوا تھا جس کے بعد ون ڈے سیریز بھی کھیلی گئی تھی۔
قومی ٹیم کو تین ٹی ٹوئنٹی میچز کی سیریز میں 0-2 سے شکست ہوئی تھی، جبکہ ون ڈے سیریز کے تینوں میچز پاکستان ٹیم نے جیتے تھے۔
مزید پرئیے:https://urdu.thepenpk.com/?p=5704
