اسلام آباد:آئی سی سی انڈر 19 ویمنز ٹی ٹوئنٹی ورلڈ کپ دو ہزار پچیس کے لیے پاکستان کے پندرہ رکنی اسکواڈ کا اعلان کر دیا گیا ہے، جس کی قیادت کومل خان کریں گی۔
یہ ٹورنامنٹ سولہ ٹیموں پر مشتمل ہوگا اور اٹھارہ جنوری سے دو فروری دو ہزار پچیس تک ملائیشیا میں کھیلا جائے گا۔
پاکستانی اسکواڈ
پاکستانی اسکواڈ میں کومل خان (کپتان)، ضوفشاں ایاز (نائب کپتان)، علیسہ مختیار، اریشہ انصاری، فاطمہ خان، ہانیہ احمر، ماہم انیس، ماہ نور زیب، میمونہ خالد، مناہل، قرۃ العین، راویل فرحان، شہر بانو، طیبہ امداد اور واصفہ حسین شامل ہیں۔
نان ٹریولنگ ریزرو
نان ٹریولنگ ریزرو میں فضا فیاض، لائبہ ناصر، مناہل جاوید، روزینہ اکرم اور ثانیہ رشید شامل ہیں۔
پاکستانی ٹیم اکتیس دسمبر سے نو جنوری تک کراچی کے حنیف محمد ہائی پرفارمنس سینٹر میں تربیتی کیمپ میں حصہ لے گی اور دس جنوری کو دبئی کے راستے ملائیشیا روانہ ہو گی۔
گروپس کی تعداد کتنی؟
ٹورنامنٹ کے فارمیٹ کے مطابق چار گروپس ہوں گے، ہر گروپ میں چار ٹیمیں شامل ہیں۔
پاکستان گروپ بی میں انگلینڈ، آئرلینڈ اور امریکا کے ساتھ ہے۔
پاکستان کا پہلا میچ اٹھارہ جنوری کو امریکا کے خلاف ہوگا، اس کے بعد بیس جنوری کو انگلینڈ سے مقابلہ ہوگا، اور آخری گروپ میچ بائیس جنوری کو آئرلینڈ کے خلاف ہوگا۔
مزید پرئیے:https://urdu.thepenpk.com/?p=5736
