شہریار منور اور ماہین صدیقی کی نکاح کی تصاویر سوشل میڈیا پر وائرل

اسلام آباد:پاکستان شوبز انڈسڑی معروف اداکار شہریار منور اور اداکارہ ماہین صدیقی رشتہ ازدواج میں بندھ گئے۔

سوشل میڈیا پر گردش کرنے والی تصاویر میں دونوں کو نکاح نامہ تھامے ہوئے دیکھا جا سکتا ہے۔اس خاص دن پر شہریار اور ماہین نے سفید اور سنہرے رنگ کے لباس میں یکجا ہونے کی خوشی منائی۔

شادی کی تقریبات کا آغاز

شادی کی تقریبات کا آغاز ڈھولکی سے ہوا تھا، جس میں اداکارہ ماہرہ خان، مومل شیخ، احد رضا میر، عدیل حسین، جمی خان اور علی حمزہ سمیت کئی معروف فنکاروں نے شرکت کی۔

اس کے بعد قوالی نائٹ کا انعقاد بھی کیا گیا، جس میں راحت فتح علی خان نے اپنی آواز کا جادو جگایا۔

شادی کی تقریبات کے دوران شہریار منور اور ماہین صدیقی مختلف روایتی لباس میں نظر آئے، جنہیں ان کے مداحوں نے بے حد پسند کیا۔
ہلدی کی تقریب میں ماہین صدیقی نے پیلے رنگ کا جوڑا پہنا جبکہ شہریار منور نے آسمانی رنگ کا کُرتا زیب تن کیا۔

شہریار منور کے کرئیر کا آغاز

شہریار منور نے دو ہزار بائیس میں ڈرامہ سیریل “میرے درد کو جو زبان ملے” سے شوبز انڈسٹری میں قدم رکھا تھا، جس کے بعد “زندگی گلزار ہے” میں معاون کردار کر کے شہرت حاصل کی۔

اس کے بعد انہوں نے فلم “ہو من جہاں” میں بھی اداکاری کے جوہر دکھائے۔ ماہین صدیقی بھی ڈرامہ انڈسٹری کی ابھرتی ہوئی اداکارہ ہیں، جنہوں نے مختصر عرصے میں اپنی صلاحیتوں کو منوایا ہے۔مداحوں کی جانب سے اس جوڑے کو نئی زندگی کے آغاز پر مبارکباد اور نیک تمناؤں کا اظہار کیا جا رہا ہے۔

مزید پرئیے:https://urdu.thepenpk.com/?p=5740