اسلام آباد:رمضان المبارک کے پہلے عشرے میں مسجد الحرام میں اڑھائی کروڑ زائرین کی آمد کا نیا ریکارڈ قائم ہو گیا ہے۔
مسجد الحرام میں زائرین کی تعداد کتنی؟
حرمین شریفین کے امور کی جنرل اتھارٹی کے مطابق، رمضان کے ابتدائی دس دنوں میں مسجد الحرام میں عبادت اور زیارت کے لیے آنے والوں کی تعداد دو کروڑ پچاس لاکھ سے تجاوز کر گئی، جو ایک نیا ریکارڈ ہے۔
اسی دوران، پچپن لاکھ سے زائد مسلمانوں نے عمرہ ادا کیا، جو مقدس مقام پر مذہبی سرگرمیوں میں نمایاں اضافے کی نشاندہی کرتا ہے۔
مزید پرئیے:https://urdu.thepenpk.com/?p=4466
زائرین کی بڑھتی ہوئی تعداد کے انتظامات
العربیہ کی رپورٹ کے مطابق، زائرین کی بڑھتی ہوئی تعداد کو منظم کرنے کے لیے وسیع پیمانے پر انتظامات کیے گئے ہیں۔
مسجد الحرام کے صحن اور گزرگاہوں میں عبادت گزاروں کی رہنمائی کے لیے گیارہ ہزار سے زائد ملازمین کو تعینات کیا گیا ہے، جبکہ تین سو پچاس سعودی نگران اور چار ہزار صفائی کارکن زائرین کی سہولت اور صفائی کے عمل کی نگرانی کر رہے ہیں۔
اس کے علاوہ، مسجد الحرام میں زائرین کی سہولت کے لیے بیس ہزار زمزم کے ڈسپنسر بھی فراہم کیے گئے ہیں۔
