نیوزڈیسک
اسلام آباد: امریکا نے یوکرین کو ایک سو اناسی ملین ڈالر مالیت کے فضائی دفاعی نظام کی فروخت کی منظوری دے دی ہے۔
غیر ملکی خبر رساں ادارے کے مطابق امریکی محکمہ خارجہ نے تصدیق کی ہے کہ یوکرین کو پیٹریاٹ ایئر ڈیفنس سسٹم فراہم کرنے کی منظوری دی گئی ہے، جس کی مجموعی لاگت کا تخمینہ ایک سو اناسی ملین ڈالر لگایا گیا ہے۔
اس سے قبل گزشتہ ماہ امریکی صدر ڈونلڈ ٹرمپ نے اعلان کیا تھا کہ امریکا یوکرین کو پیٹریاٹ ایئر ڈیفنس سسٹم فراہم کرے گا تاکہ وہ روسی حملوں کا مؤثر طور پر مقابلہ کر سکے۔
یہ ہتھیار ایک نئے معاہدے کے تحت فراہم کیے جائیں گے، جس کے مطابق کچھ اخراجات نیٹو ادا کرے گا.
