واشنگٹن (ویب ڈیسک) امریکی صدر ڈونلڈ ٹرمپ نے بین الاقوامی بحری تجارتی گزرگاہ آبنائے ہرمز کھولنے کے لیے ایران کو 48 گھنٹے کا الٹی میٹم دے دیا ہے۔
ایران جنگ کے 24ویں روز آبنائے ہرمز کی مسلسل بندش پر صدر ٹرمپ نے سخت ردعمل دیتے ہوئے کہا ہے کہ اگر 48 گھنٹوں کے اندر یہ گزرگاہ نہ کھولی گئی تو ایران کے پاور پلانٹس کو نشانہ بنایا جائے گا۔
صدر ٹرمپ نے اپنے سوشل میڈیا پلیٹ فارم Truth Social پر جاری بیان میں کہا کہ امریکا مرحلہ وار ایران کے پاور پلانٹس کو تباہ کرے گا اور سب سے پہلے بڑے پاور پلانٹ کو ہدف بنایا جائے گا۔
واضح رہے کہ 28 فروری کو اسرائیل اور امریکا کے ایران پر حملوں کے بعد ایران نے جوابی کارروائی کرتے ہوئے آبنائے ہرمز کو بند کر دیا تھا۔ اس آبی گزرگاہ کی بندش کے باعث عالمی سطح پر خام تیل اور گیس کی سپلائی متاثر ہو رہی ہے، جس کے نتیجے میں توانائی بحران شدت اختیار کرتا جا رہا ہے اور قیمتوں میں مسلسل اضافہ دیکھا جا رہا ہے۔
