کراچی: انٹر بورڈ کی ’سپر ہائی پاور کی ’سپر ہائی پاور ویجیلنس ٹیم‘ نے مختلف امتحانی مراکز پر چھاپے مار کر موبائل فونز کے ذریعے نقل کرنے والے 7 امیدواروں کو پکڑ لیا۔تفصیلات کے مطابق چیئرمین انٹر بورڈ پروفیسرفقیر محمد لاکھو کی کی سربراہی میں ویجیلنس ٹیم نے ضلع وسطی کے مختلف امتحانی مراکز کا ہنگامی دورہ کیا، جہاں بڑے پیمانے پر نقل کی کوششوں کو ناکام بنایا گیا۔ معائنے کے دوران گورنمنٹ کالج برائے طلبہ ناظم آباد میں 8 امیدواروں کے قبضے سے موبائل فونز برآمد ہوئے جبکہ 7 امیدوار نقل کرتے ہوئے پکڑے گئے۔ چیئرمین انٹر بورڈ کے مطابق تمام امیدواروں کی جوابی کاپیاں ضبط کر لی گئی ہیں اور کیسز مزید کارروائی کے لیے ’ان فیئر مینز کمیٹی‘ کے حوالے کر دیے گئے ہیں۔دورے کے دوران کالج انتظامیہ نے امتحانی عمل میں بیرونی مداخلت کی شکایات بھی کیں، جس پر فوری کارروائی کرتے ہوئے شپ اونر کالج کے باہر پولیس موبائلیں تعینات کر دی گئیں۔اس موقع پر اسسٹنٹ کمشنر ناظم آباد نعمت اللہ چاچڑr اور سپلا کے مرکزی صدر صدر منور عباس بھی موجود تھے۔ جنہوں نے امتحانی مراکز میں نظم و ضبط کا معائنہ کیا۔
