قومی ٹیم کے آل راؤنڈر سلمان علی آغا نے لارڈز ٹیسٹ میں سلپ میں شاندار کیچ پکڑ کر سب کو حیران کردیا۔
انگلینڈ کے خلاف دوسرے ٹیسٹ کے پہلے روز سلمان علی آغا پاکستان کے بارہویں کھلاڑی کی حیثیت سے میدان میں اترے اور اپنی شاندار فیلڈنگ سے کمنٹیٹرز کی توجہ حاصل کرلی۔
سلمان علی آغا کو پاکستان کے محفوظ ترین سلپ فیلڈرز میں شمار کیا جاتا ہے۔ انگلینڈ کی اننگز کے 48ویں اوور میں خرم شہزاد کی گیند پر جارڈن کاکس نے بیک فٹ ڈرائیو کھیلنے کی کوشش کی، تاہم گیند بلے کا کنارہ لگنے کے بعد سلپ میں سلمان علی آغا کی دائیں جانب گئی۔
سلمان علی آغا نے فوری ردِعمل کا مظاہرہ کرتے ہوئے دائیں جانب ڈائیو لگا کر مشکل کیچ پکڑ لیا، جس پر کمنٹیٹرز بھی ان کی فیلڈنگ کی تعریف کیے بغیر نہ رہ سکے
