نیوز ڈیسک
راولپنڈی: راولپنڈی کرکٹ اسٹیڈیم میں پاکستان اور سری لنکا کے درمیان جاری ٹیسٹ میچ کے پانچویں روز سی پی او حسن مشتاق سکھیرا کی ہدایات پر راولپنڈی پولیس نے سیکیورٹی اور ٹریفک کے مؤثر انتظامات کیے ہیں۔
سی پی او حسن مشتاق سکھیرا کے مطابق میچ کے دوران سیکیورٹی اور ٹریفک فرائض کی انجام دہی کے لیے راولپنڈی پولیس کے تقریباً 6 ہزار افسران و اہلکار تعینات کیے گئے ہیں، جبکہ سینئر پولیس افسران فیلڈ میں موجود رہ کر سیکیورٹی انتظامات کا جائزہ لے رہے ہیں اور ڈیوٹی پر مامور اہلکاروں کو بریفنگ دے رہے ہیں۔
انہوں نے بتایا کہ اسٹیڈیم کی سیکیورٹی مزید مؤثر بنانے کے لیے اطراف کی عمارتوں کی چھتوں پر سنائپرز تعینات کیے گئے ہیں، جبکہ سیف سٹی اور دیگر سی سی ٹی وی کیمروں کے ذریعے مسلسل نگرانی کی جا رہی ہے۔ اس مقصد کے لیے ایک خصوصی کنٹرول روم بھی قائم کیا گیا ہے۔
سی پی او کے مطابق تھانوں کی موبائل گاڑیاں، ایلیٹ فورس اور ڈولفن اسکواڈ اسٹیڈیم اور اس کے گردونواح میں مسلسل گشت کر رہے ہیں تاکہ کسی بھی ناخوشگوار واقعے سے بروقت نمٹا جا سکے۔
انہوں نے مزید کہا کہ شہریوں اور کرکٹ شائقین کی سہولت کے لیے مؤثر ٹریفک پلان ترتیب دیا گیا ہے اور ٹیسٹ میچ کے دوران فول پروف سیکیورٹی اور ٹریفک انتظامات یقینی بنانے کے لیے تمام دستیاب وسائل بروئے کار لائے جا رہے ہیں۔
انہوں نے بتایا کہ اسٹیڈیم کی سیکیورٹی مزید مؤثر بنانے کے لیے اطراف کی عمارتوں کی چھتوں پر سنائپرز تعینات کیے گئے ہیں، جبکہ سیف سٹی اور دیگر سی سی ٹی وی کیمروں کے ذریعے مسلسل نگرانی کی جا رہی ہے۔ اس مقصد کے لیے ایک خصوصی کنٹرول روم بھی قائم کیا گیا ہے۔
