اسلام آباد:پاکستان کی معروف اداکارہ و میزبان فضا علی کو امریکا میں انسٹاگرام ریلز بنا کر سوشل میڈیا پر شیئر کرنا مہنگا پڑ گیا۔
فضا علی نے فوٹو اینڈ ویڈیو شیئرنگ پلیٹ فارم انسٹاگرام پر امریکا میں بنائی گئی نئی ویڈیوز شیئر کی ہیں۔
پہلی ویڈیو میں انہیں امریکا کی ایک ٹرین میں سفر کرتے ہوئے دیکھا جا سکتا ہے، جبکہ دوسری ویڈیو میں وہ ایک پارک میں ایک خوبصورت چھوٹی ٹرین کے ساتھ چلتے ہوئے مختلف انداز میں کیمرے کے لیے پوز دیتی نظر آ رہی ہیں۔
اداکارہ کو ویڈیوز میں رنگ برنگے پھولوں کے ڈیزائن والے شارٹ ٹاپ کے ساتھ سفید ریشمی پلازو پینٹ پہنے ہوئے دیکھا جا سکتا ہے۔یہ لباس ان کی شخصیت کو مزید نکھارتا ہے اور ان کے اسٹائل کو منفرد بناتا ہے۔
انہیں یہ ویڈیوز سوشل میڈیا پر شیئر کرنے کے بعد بولڈ لباس پہننے کی وجہ سے صارفین کی جانب سے شدید تنقید کا سامنا کرنا پڑ رہا ہے۔
سوشل میڈیا صارفین نے کہا کہ پاکستانی اداکارائیں بیرونِ ملک جا کر بہت ہی بولڈ ملبوسات پہنتی ہیں۔
واضح رہے کہ کچھ عرصہ قبل فضا علی کو لائیو شو کے دوران ڈانس کرنے پر تنقید کا سامنا کرنا پڑا تھا۔
سوشل میڈیا صارفین نے مزید کہا کہ نیشنل ٹی وی پر ایسا کرنا مناسب نہیں ہے اور اس سے ہمارے ملک کا امیج متاثر ہوتا ہے۔
کچھ لوگوں کا یہ بھی کہنا تھا کہ فضا علی اپنی شو کو مشہور کرنے کے لیے یہ سب کر رہی ہیں اور اس طرح وہ اپنی عزت اور وقار کھو رہی ہیں۔
