اسلام آباد: ہالی ووڈ اداکار ٹام ہالینڈ اور جون برنتھل نے اسپائیڈر مین فرنچائز کی نئی فلم “اسپائیڈر مین: برانڈ نیو ڈے” کی ریلیز سے قبل پاکستانی مداحوں کے لیے خصوصی ویڈیو پیغام جاری کیا ہے۔
ٹام ہالینڈ نے اپنے پیغام میں پاکستانی شائقین کا شکریہ ادا کرتے ہوئے کہا، “ہیلو پاکستان! اسپائیڈر مین فلمیں دیکھنے اور گزشتہ کئی برسوں سے ہمیں اتنا پیار دینے کا بہت شکریہ۔”
انہوں نے کہا کہ پاکستانی مداحوں کی بھرپور حمایت نے”اسپائیڈر مین: نو وے ہوم”کو باکس آفس پر بڑی کامیابی دلانے میں اہم کردار ادا کیا، اور انہیں امید ہے کہ نئی فلم کو بھی پاکستان میں اسی طرح کا شاندار استقبال ملے گا۔
اداکار جون برنتھل نے بھی پاکستانی مداحوں سے مخاطب ہوتے ہوئے کہا کہ وہ نئی فلم کی ریلیز پر بھی اپنی محبت اور حمایت کا اظہار کریں اور اسے سینما گھروں میں ضرور دیکھیں۔
اسپائیڈر مین سیریز کی نئی فلم”اسپائیڈر مین: برانڈ نیو ڈے” 31 جولائی کو پاکستان بھر کے سینما گھروں میں نمائش کے لیے پیش کی جائے گی۔
