اسلام آباد:قومی ایئر لائن پی آئی اے کی آج کی 6 پروازیں آپریشنل مسائل کے باعث منسوخ کر دی گئی ہیں۔
فلائٹ شیڈول کے مطابق مختلف ایئر پورٹس پر 25 ملکی اور غیر ملکی پروازوں کی آمد و روانگی میں تاخیر بھی ہوئی ہے۔
پی آئی اے کی لاہور سے کراچی کی پروازیں پی کے 302 اور 303 منسوخ کر دی گئیں، جبکہ ملتان سے شارجہ کے لیے پرواز پی کے 293 بھی منسوخ کر دی گئی۔ شارجہ سے اسلام آباد کی پرواز پی کے 182 اور اسلام آباد سے چترال کی دو پروازیں پی کے 660 اور 661 بھی منسوخ کر دی گئیں۔
اس کے علاوہ، پی آئی اے اور ایک نجی ایئر لائن کی اسلام آباد سے جدہ کی تین پروازوں میں بھی تاخیر ہوئی ہے۔
لاہور سے دبئی کے لیے پی آئی اے کی پرواز پی کے 233 ڈیڑھ گھنٹہ تاخیر کا شکار ہے، جبکہ لاہور سے کراچی کے لیے نجی ایئر لائن کی پرواز ای آر 523 سوا 3 گھنٹے تاخیر سے روانہ ہوگی۔
کویت، شارجہ، اور القسیم سے اسلام آباد کی پروازوں کی آمد میں ایک سے دو گھنٹے تاخیر متوقع ہے۔
