اسلام آباد:بھارتی کرکٹر منوج تیواڑی کی پاکستان کے کھلاڑیوں کے ساتھ سوشل میڈیا پوسٹ وائرل ہو گئی ہے۔
منوج تیواڑی نے ہانگ کانگ سکسز کے فوٹو سیشن کے دوران فہیم اشرف اور آصف علی کے ساتھ ایک سیلفی بنائی۔
سوشل میڈیا پر پیغام میں منوج تیواڑی کا کہنا ہے کہ سرحدوں نے ہمیں تقسیم کیا، لیکن کرکٹ نے ہمیں اکٹھا کر دیا۔
انہوں نے مزید کہا کہ ہانگ کانگ سکسز میں پاک بھارت میچ کے لیے سب تیار ہیں۔
یہ بات بھی واضح رہے کہ ہانگ کانگ سکسز ٹورنامنٹ یکم سے 3 نومبر تک کھیلا جائے گا۔
ایونٹ میں شریک 12 ٹیموں کو 4 گروپس میں تقسیم کیا گیا ہے، اور پاکستانی ٹیم پول سی میں بھارت اور یو اے ای کے ساتھ شامل ہے۔
یکم نومبر کو پاکستانی ٹیم پہلا میچ یو اے ای اور دوسرا میچ بھارت کے خلاف کھیلے گی۔ ہر گروپ کی 2 ٹاپ ٹیمیں کوارٹر فائنل کے لیے کوالیفائی کریں گی۔ایونٹ کے کوارٹرز فائنل 2 نومبر کو جبکہ سیمی فائنل اور فائنل 3 نومبر کو ہوں گے۔
