کوئٹہ میں کمسن بچی کا لرزہ خیز قتل، والد اور ماموں ملوث

کوئٹہ:کوئٹہ میں امریکہ سے واپس آئے والی تیرہ سالہ بچی کے قتل کا معمہ بالآخر حل ہو گیا۔

کوئٹہ کے علاقے بلوچی اسٹریٹ میں تیرہ سالہ لڑکی کے قتل کے کیس میں والد اور ماموں کو گرفتار کر لیا گیا ہے۔

پولیس کے مطابق، لڑکی کے والد نے اپنے سالے کے ساتھ مل کر بیٹی کو گولیاں مار کر قتل کرنے کا اعتراف کر لیا۔
تحقیقات کے دوران ملزم نے انکشاف کیا کہ اسے بیٹی کے ویڈیوز بنانے پر اعتراض تھا، جس کے باعث اس نے انتہائی قدم اٹھایا۔

ابتدائی طور پر ملزمان نے دعویٰ کیا تھا کہ نامعلوم افراد کی فائرنگ سے لڑکی شدید زخمی ہوئی اور بعدازاں اسپتال میں دم توڑ گئی۔

پولیس کے مطابق مقتولہ کے والد اٹھائیس سال سے امریکا میں مقیم تھا اور پندرہ جنوری کو اپنے بچوں کے ہمراہ پاکستان واپس آیا تھا۔

تیرہ سالہ مقتولہ حرا امریکی شہری تھی۔ لڑکی کے قتل کا کیس سیریس کرائم انویسٹی گیشن وِنگ منتقل کر دیا گیا ہے۔

مزید پرئیے:https://urdu.thepenpk.com/?p=6026