اسلام آباد:اسلام آباد میں جوڈیشل کمیشن کے اجلاس کے موقع پر وکلا کی ہڑتال کی کال کے پیش نظر سیکیورٹی الرٹ کر دی گئی ہے۔
وفاقی دارالحکومت کی ٹریفک پولیس کی جانب سے جاری ایڈوائزری میں کہا گیا ہے کہ امن و امان کی صورتحال کے پیش نظر ریڈ زون کے داخلی اور خارجی راستے بند رہیں گے۔
ٹریفک پولیس نے اعلان کیا کہ دس فروری کو ریڈ زون کے داخلی اور خارجی راستے، جن میں سرینا، نادرا، میریٹ، ایکسپریس چوک اور ٹی کراس بری امام شامل ہیں، صبح چھ بجے سے تاحکم ثانی عارضی طور پر بند ہوں گے۔
پولیس نے عوام کو مشورہ دیا ہے کہ وہ کسی بھی سفری دشواری سے بچنے کے لیے مارگلہ روڈ کا استعمال کریں۔
یاد رہے کہ سپریم کورٹ بار ایسوسی ایشن اور پاکستان کی تمام بار کونسلز نے مشترکہ اعلامیے میں جوڈیشل کمیشن کے اجلاس کے خلاف ہڑتال کو مسترد کر دیا ہے۔
مزید پرئیے:https://urdu.thepenpk.com/?p=6159
